მაია ცქიტიშვილს აქვს საჯარო და კერძო სექტორში მუშაობის 24 წლიანი გამოცდილება, მათ შორის, საქართველოს მთავრობის კაბინეტში, მაღალ პოლიტიკურ თანამდებობებზე. 2012 წლიდან, 6 წლის განმავლობაში, იგი ხელმძღვანელობდა საქართველოს მთავრობის ადმინისტრაციას და კოორდინაციას უწევდა ისეთი მნიშვნელოვანი რეფორმების განხორციელებას, როგორიცაა საჯარო ადმინისტრირების რეფორმა, საჯარო სამსახურისა და პოლიტიკის დაგეგმვის რეფორმა, ელექტორნული მმართველობის, სახელმწიფო შესყიდვებისა და სხვა უწყებათშორისი, ეროვნული მნიშვნელობის რეფორმები.
2018 წლიდან მაია ცქიტიშვილი ხელმძღვანელობდა რეგიონული განვითარებისა და ინფრასტრუქტურის სამინისტროს და იკავებდა პირველი ვიცე-პრემიერის თანამდებობას. ამ პერიოდში, მისი ხელმძღვანელობით დაიწყო დეცენტრალიზაციის სტრატეგიისა და რეგიონული განვითარების პროგრამების განხორციელება.
საჯარო სექტორში მუშაობის შემდეგ, მაია ცქიტიშვილი საქმიანობას აგრძელებდა, როგორც დამოუკიდებელი მრჩეველი, საერთაშორისო განვითარების პარტნიორების მიერ დაგეგმილ არაერთ პროგრამაში.
მაია ცქიტიშვილი გახლავთ საჯარო მოხელეთა ჰაბის თანადამფუძნებელი და დირექტორი.
